काठमाडौं । सोहौं संस्करणको काठमाडौं इन्टरन्यासनल माउन्टेन फिल्म फेस्टिभल (किम्फ)को अन्तर्राष्ट्रिय प्रतिष्पर्धातर्फको प्रथम पुरस्कार साहरा मनिको ‘अ थाउजन्ड गल्र्स लाइक मी’ ले जितेको छ । फिल्मले अमेरिकी डलर १ हजार ५ सय हात पारेको छ । अरुण भट्टराई र डोरोत्यो जुर्बोको ‘द नेक्स्ट गार्डियन’ दोस्रो हुँदै १ हजार डलर पाएको छ । मिक्लास कल्सटोर्म र मार्टिनी कार्टिनेमको ‘इस्टर्न मेमोरिज’ ले तेस्रो हुँदै ५ सय डलर जितेको छ ।
नेपाल पानोरामा अन्तर्गत आख्यानमा अविनास विक्रम शाहको ‘तटिनी’ र गैरआख्यान विधामा विद्या चापागाई र कमल कुमारको ‘मरिसकेको मान्छे’ ले उत्कृष्ट हुदै क्रमशः एक लाख र ७५ हजार रूपैयाँको नगद पुरस्कार जितेको छ ।
किम्फमा प्रदर्शित यसवर्षको उत्कृष्ट पर्वतीय फिल्म मुनमुन धलेरियाको ‘एन अनसर्टेन विन्टर’ हुन सफल भएको छ । उत्कृष्ट फिल्मलाई इसिमोडबाट १ हजार अमेरिकी डलरको नगद पुरस्कार प्रदान गरेको छ ।
किम्फमा उत्कृष्ट साहसिक फिल्म प्रसुना डंगोलको ‘डोल्पा डायरी’ले जितेको छ । जसलार्ई आपा शेर्पा फाउन्डेसनले १ हजार अमेरिकी डलरको नगद पुरस्कार प्रदान गरेको छ र सेना¨ ग्या¨जोको ‘सुपर मङ्क’ ले सबैभन्दा बढी दर्शकको रोजाइमा परि “अडियन्स अवार्ड” पुरस्कारबाट सम्मानित भएको छ । फिल्मले ५० हजार रुपैयाँको राशी जितेको छ जसको प्रायोजन अस्कर इन्टरन्यासनल कलेजले गरेको छ ।
अष्ट्रेलियाली डिरेक्टर जेनिफर पिडमको माउन्टेन फिल्मबाट सुरुवात भएको किम्फमा भएको थियो । यसपटक नेपाल लगायत ३१ वटा देशहरुका ७० भन्दा बढी फिल्महरु देखाइएको छ । । यो वर्ष पनि किम्फमा वृत्तचित्र, कथानक चलचित्र, लघु चलचित्र, प्रयोगवादी र एनिमेसन फिल्महरू देखाइएको छ ।
काठमाडौं महानगरपालिका सह आयोजक रहेको किम्फ २०१८ को ट्यागलाइन ‘वुमन मुभ माउन्टेन्स’ भन्ने रहेको थियो ।
