काठमाडौं । नेप्से परिसूचक लयमा फर्किने संकेत गरेको छ । सेयर बजार कारोबार सुरु भएको आधार घन्टामै नेप्सेमा करिब ५ करोडको कारोबार हुँदा केही दिन बिग्रिएको बजारमा सुरुवाति सुधारको संकेत देखिएको हो ।
कारोबार सुरु भएको ३५ मिनेट बित्दा बजारमा ५९ कम्पनीका १ लाख २९ हजार कित्ता सेयर ५ करोड १७ लाख रुपैयाँमा किनबेच भएका छन् । यसबेलासम्मा बजार परिसूचक ४ दशमलव २९ अंकले बढ्दै ११ सय ३५ दशमलव ९८ अंकमा कायम भएको हो ।
सेयर बजारमा केही समयदेखि औसतमा दैनिक ३५ करोड रुपैयाँको कारबार हुने गरेको छ ।