काठमाडौं । क्रोएसियाले विश्वकप छनोटमा आइसल्यानडलाई पराजित गरेको छ । सन् २०१८ मा रुसमा हुने विश्वकप छनोटको युरोपियन छनोट अन्तर्गत शनिबार राती भएको खेलमा क्रोएसियाले आइसल्यानडलाई २–० ले पराजित गरेको हो ।

घरेलु मैदानमा भएको खेलमा क्रोएसियालाई जित दिलाउन मार्सेलो ब्रोजोभिक दुवै गोल गरे । खेलको १५ औं मिनेटमा पहिलो गोल गरेका ब्रोजोभिकले खेलको अन्तिम मिनेटमा थप एक गोल गर्दै क्रोएसियालाई जित दिलाए ।

जितसँगै समूह आई मा रहेको क्रोएसियाले विश्वकपमा छनोट हुने सम्भावना जिवितै राखेको छ । जितपछि १० अंक जोडेको क्रोएसिया शीर्ष स्थानमा यथावत छ । पराजित आइसल्यान्ड ७ अंक जोडेर तेस्रो स्थानमा छ । 

विश्वकप छनोट अन्तर्गत नै समूह आईको अर्को खेलमा युक्रेनले फिनल्यान्डलाई १–० ले पराजित गरेको छ । त्यस्तै  टर्कीले कोसोभोलाई २–० ले पाखा लगायो । यो समूहमा युक्रेन दोस्रो र टर्की चौथो स्थानमा छ ।