काठमाडौं । हरिण शिकारको विषयलाई लिएर बलिउड अभिनेता सलामान खानलाई फेरी अप्ठेरो परेको छ । जोधपुर हाइ कोर्टले सलमान खानलाई सफाइ दिएपनि राजस्थान सरकारले सर्वोच्च अदालतमा फेरी यसको बारेमा आवाज उठाएपछि सलमान खानलाई हरिण शिकारको मुद्दामा पुनः अप्ठेरो अवस्थाका सिर्जना भएको भारतीय सञ्चार माध्यम आजतकको अनलाईन संस्करणले  जनाएको छ । 

राजस्थान सरकारले सलमान खानको बिरुद्धमा सर्वोच्च अदालतमा गरेको अपिलमा सर्वोच्च अदालत पनि यो मुद्दामा सुनुवाई गर्न तयार भएको छ । सर्वोच्च अदालतले यो विषयमा सलमान खानको प्रतिक्रिया जान्नका लागि सूचना पनि जारी गरेको छ । सर्वोच्च अदालतको सुनुवाई चाडैनै सुरु हुने आजतकले जनाएको छ ।