काठमाडौं । अमेरिकाको ४५ औं राष्ट्रपतिमा निर्वाचित भएका डोलान्ड जोन ट्रम्प अहिलेसम्मकै सबैभन्दा बूढो अमेरिकी राष्ट्रपति बन्न पुगेका छन् ।

ट्रम्प ७० वर्षको उमेरमा राष्ट्रपति पदमा बुधबार विजयी भएका छन् । उनको जन्म सन् १९४६ जुन १४ भएको थियो । उनले रोनाल्ड रेगनलाई उछिनेका हुन् । रेगन ६९ वर्षको उमेरमा अमेरिकाको राष्ट्रपति निर्वाचित भएका थिए ।

अमेरिकाको राष्ट्रपतिमा अहिलेसम्मका सबैभन्दा कम उमेरका राष्ट्रपति भने जोन एफ केनेडी हुन् । उनी ४३ वर्षमा १९६० मा राष्ट्रपति निर्वाचित भएका थिए । 

तर, अमेरिकाका २५ औं राष्ट्रपति बिलियम म्याकिन्लेको हत्या भएपछि उपराष्ट्रपतिबाट सन् १९०१ मा राष्ट्रपति बनेका थियोडोर रुजबेल्ट भने अहिलेसम्मकै अमेरिकाका  सबैभन्दा कम उमेरका राष्ट्रपति हुन् । उनी राष्ट्रपति हुँदा ४२ वर्षका थिए ।