काठमाडौं । कोकाकोलाले आफ्नो नयाँ उत्पादन ‘कोकाकोला जिरो’ नेपाली बजारमा ल्याएको छ । कम्पनीका अनुसार यो उत्पादन विश्वका १५० भन्दा बढी देशमा उपलब्ध छ । 

यो कोक सुगर फ्री भएको कम्पनीले दाबी गरेको छ । यसको स्वाद भने सुगरयुक्त कोकको जस्तै छ । 

कोक जिरो सार्वजनिक कार्यक्रममा बीआईजीका क्षेत्रीय निर्देशक टी कृष्णकुमारले भने, “कोकाकोला नेपालमा लोकप्रिय छ । हाम्रो नयाँ उत्पादन पनि उपभोक्ताले रुचाउने विश्वास हाम्रो छ ।”

कोकाकोला जिरो ५०० मिलिमिटर पेट बोटल (६५ रुपैयाँ), ३०० मिलिमिटर क्यान (७५ रुपैयाँ) र १८० मिलिमिटर क्यान (४५ रुपैयाँ) मा उपलब्ध छ ।