काठमाडौं । दक्षिण कोरियाका सरकारी वकिलहरुले  विश्वकै बिख्यात इलेक्ट्रोनिक्स कम्पनी सामसङ इलेक्ट्रोनिक्सको कार्यलयमा छापा मारेका छन् ।

बीबीसीका हालैका दिनमा विवादकी केन्द्रको रूपमा रहेकी अनुसार राष्ट्रपति पार्क गेउन हे कि साथी चोइ सुन सीलकी छोरिलाई पैसा दिएको आरोपको छानबिनका लागि  सामसङमाथि छापा मारिएको हो ।

चोइ सुन सीललाई दक्षिण कोरियामा राष्ट्रपति पार्क गेउन हे संगको सम्बन्ध वा पहुँचको दुरुपयोग गरेर राजनीतिमा हस्तक्षेप तथा  व्यापारिक कम्पनीहरू सँग चन्दा असुलेको आरेप लागेको छ ।

साकङले बीबीसीलाई छापामारिएको पुष्टि गरेको  तर यसको बारेमा टिप्पणी गर्न भने अस्वीकार गरेको छ ।

चोइ सुन सीलसँग सम्बन्धको बारेमा पटक–पटक माफी मागेकी राष्ट्रपति पार्क गेउन हे लाई जनस्तरबाट राजिनामा गर्न ब्यापक दवाव आइरहेको छ । 

चोइ सुन सीलले राष्ट्रपति पार्क गेउन हेसँगको पहुँचको दुरुपयोग गरेर सामसङले चोइ सुन सीलकी छोरीलाई जर्मनीमा इक्वेस्ट्रन तालिम लिनका लागि २.५ मिलियन युरो चोइ सुन सील र उनकी छोरीको स्वामित्वको कम्पनीलाई तिरेको भन्ने बिषय सार्वजनिक भएको थियो ।

यसैगरि सरकारी वकिलहरूले कोरियन  इक्वेस्ट्रन फेडेरेसनको कार्यलयमा पनि छापा मारेको छ । चोइ सुन सीललाई  शक्तिको दुरुपयोग तथा ठगीको आरोपमा नोभेम्बर ३ मा पक्राउ गरिएको छ ।