काठमाडौं । अमेरिकाको पहिलो महिला महान्यायधिवक्ता जनेट रेनोको ७८ वर्षको उमेरमा फ्लोरिडाको मियामीमा सोमबार बिहान निधन भएको बीबीसीले जनाएको छ ।  

उनी पार्किन्सन रोगबाट ग्रसित थिइन् । रेनोले राष्ट्रपति विल क्लिन्टनको पालामा  सन् १९९३ देखि २००१ सम्म महान्याधिवक्ताको रूपमा ८ वर्ष काम गरेकी थिइन् ।

राष्ट्रपति क्लिन्टनको विश्वासिलो क्याबिनेट सदस्य मानिने रेनो २० औं सताब्दीको लामो समय काम गर्ने महान्यायधिवक्ता हुन् । उनले पदभार ग्रहणगरेको केही समयपछि टेक्सास राज्यमा रहेको ब्रान्चो डाभिडियन नामक धामीर्क समुहको कार्यलय रहेको बाको कम्पाउण्डमा छापा मार्दा त्यसका नेता डेभिड कोरेश र उनका ८० अनुयायी मारिएका थिए ।

सन् १९९५मा पार्किन्सन रोगबाट ग्रसित भएको पत्ता लागेपछि पनि कामलाई निरन्तरता दिएकी थिइन् ।