काठमाडौं ।  अमेरिकामा अग्रिम मतदानमा कीर्तिमान कायम भएको छ । यो वर्ष ३ करोड ५० लाख अमेरिकीले मतदान गरिसकेको समाचार संस्था पीटीआईले जनाएको छ । साथै मतदान गर्ने समय बाँकी भएकाले यो संख्या अझै बढ्ने छ । अमेरिकी पत्रिका दी वाल स्ट्रिट जर्नलले शुक्रबार सम्ममा ३ करोड ७० लाखले मतदान गरेसकेको बताएको छ । सन् २०१२ जम्मा ३ करोड २३ लाख ले मात्र अग्रिम मतादन गरेको थिए । यो संख्या सन् २००८ मा २९.७ प्रतिशत थियो ।

 टेक्सास राज्यमा अग्रिम मतदान गर्नेको संख्या २०१२ को तुलनामा ३६ प्रतिशतले  बढेको बताइएको छ ।

मतदाताहरूले दुवै उम्मेदवारको बारेमा राम्रोसँग जानकारी पाइसकेको हुनाले र पहिले नै कसलाई मत हाल्ने भनेर निर्णयमा पुगिसकेको हुनाले पनि अग्रिम मतदानमा मानिसहरूको संख्या बढेको हुन सक्ने बताइएको छ ।

समाचार संस्था एपीका अनुसार जर्जिया, इन्डियाना ओरेगनमा कीर्तिमानी अग्रिम मतदान भएको छ भने मेरिल्याण्ड, मिनिसोटा तथा टेनिसी लगायतका राज्यहरूमा पनि २०१२ को तुलनामा निक्कै धेरै मतदान भएको छ ।