काठमाडौं । साधारणतया मानिसले केही गल्ती गर्योभने कर्मको फल भोग्नु पर्छ भनिन्छ । अर्थात जसले जस्तो काम गर्छ उसले त्यस्तै फल पाउँछ भनिन्छ । कतिपय मान्छे यो जन्मको फल अर्को जन्ममा पाइन्छ भनेर पनि डराउँछन् भने कोही भने जे सुकै गर्न पनि डराउँदैनन् । तर, द टाइम्स अफ इनिडयाले केही यस्ता उदाहरण दिएको छ जस्मा राम्रो वा नराम्रो कर्मको फल तुरुन्तै देखिएको छ । 

रिचर्ड थोमस नामक एक व्यक्तिले आफूले चिनेको एक महिलालाई जबर्जस्ती  यौन सम्पर्क राखे । यौन सम्पर्कपछि उनलाई थाहा भयो ति महिलालाई प्राणघातक एड्स भएको । ति महिलालाई कुनै रोग थियो भन्ने बलात्कारीलाई थाहा थियो तर ति महिलाको कमजोरीको फाइदा उठाएर जब उसले जबर्जस्ती यौन सम्पर्क स्थापित गरे तबमात्र एड्स भएको थाहा भयो ।

कोलोम्बिया भन्ने देशमा सन् २०१३ मा एक जना व्यक्तिले एक महिलाको फोन बस स्टपमा थुत्यो । फोन खोसेर भाग्ने क्रममा त्यो व्यक्तिलाई बसले किच्यो र उसको मृत्यु भयो ।

नराम्रो कर्मको फल मात्रै तुरुन्तै पाइने होइन, राम्रो कर्म गर्नेले पनि पुरस्कार पाएका अनेक घटना छन् । अमेरिकाको क्यान्सस् शहरमा एउटा बिली रे ह्यारिस भन्ने घर नभएको माग्ने व्यक्तिले एक महिलाको स्वयंवरको औंठी फिर्ता गरिदिए । ति महिलाले कुनै कारणले उक्त औंठी हराएकी थिइन् तर तिनलाई थाहा भएन । धन्न बिलीले त्यो औठी खसेको देखे र महिलालाई फिर्ता गरिदिए । ति महिला र उनको हुनेवाला श्रीमान्ले यो कुरा सामाजिक सञ्जालमार्फत प्रचार गरे । उक्त  सुकुम्बासीले नेपाली करिब ४ लाख बराबरको हिराको औंठी फिर्ता गरेको थियो तर उसको इमान्दारीलाई यति धेरै मान्छेले प्रशंसा र आर्थिक सहयोग गरेकी उनले करिब रु. दुई करोड बराबर सहयोग पाए । जुन पैसाले उनले सजिलै घर किन्न सके । 

म्याट बकल्यान्ड भन्ने व्यक्तिसँग एक युवक अचानक ठोक्किए । त्यो युवकले ठोक्किएको रिसमा प्याटलाई भन्नु न भन्नु भने र एकातिर लम्के । तर केही छिनमै त्यो  युवक म्याटकै अफिसमा अन्तर्वार्ता दिन आइपुगे । बिचरा केटोले के जागिर पायो पाउनु, उल्टै लाजले भुतुक्कै भयो ।