तानसेन (पाल्पा) । पाल्पाको तिनाउ गाउँपालिकामा शव फेला परेको छ । तिनाउ–३, आँपखोला मुहानस्थित तिलोत्तमा सामुदायिक जंगलस्थित आँपखोलाको किनारमा बिहीबार एक पुरुषको शव फेला परेको हो ।

जिल्ला प्रहरी कार्यालयका प्रहरी निरीक्षक कमल प्रधानका अनुसार, चिन्नै नसक्ने अवस्थामा स्थानीयले शव देखेपछि प्रहरीलाई खबर गरेका थिए । प्रहरी टोलीले प्रारम्भिक अनुसन्धानपछि शव परीक्षणका लागि लुम्बिनी प्रादेशिक अस्पताल बुटवल पठाएको छ ।

शव सडेगलेको अवस्थामा रहेकाले पहिचान गर्न नसकिएको उनले बताए । उनका अनुसार करङको भाग तथा हड्डी र कंकाल मात्र रहेको अवस्थामा शव भेटिएको छ । रासस