काठमाडौं । प्रहरीले सिरहाबाट पेस्तोलसहित दुई भारतीय नागरिकलाई पक्राउ गरेको छ । बिनानम्बर प्लेटको मोटरसाइकलमा भारततर्फ जाँदै गरेको अवस्थामा उनीहरूलाई बरियारपट्टी गाउँपालिका–१ बाट पक्राउ गरिएको जिल्ला प्रहरी कार्यालय सिरहाले जनाएको छ ।

पक्राउ पर्नेमा मोटरसाइकल चालक भारत मधुवनीका १९ वर्षीय राजीव सिंह र सोही मोटरसाइकलको पछाडि सवार १९ वर्षीय प्रिन्स सिंह रहेका छन् ।

प्रहरीले प्रिन्सले कम्मरमा भिरेको अवस्थामा एक थान सानो कटुवा पेस्तोल र गोली एक थान बरामद गरेको छ । उनीहरूलाई नियन्त्रणमा लिएर जिल्ला अदालत सिरहाबाट मंगलबार पाँच दिनको म्याद थप गरी अनुसन्धान भइरहेको प्रहरीले जनाएको छ ।