site stats
बाह्रखरी :: Baahrakhari
देश
Global Ime bankGlobal Ime bank
बागलुङमा जीप दुर्घटना हुँदा एकजनाको मृत्यु, तीन घाइते
प्रतीकात्मक तस्बिर ।

बागलुङ । बागलुङमा पिकअप जीप दुर्घटना हुँदा एकजनाको मृत्यु भएको छ । तीनजना घाइते छन् ।

गलकोट नगरपालिका–३, हटिया बजारबाट कोटमैदानतर्फ जाँदै गरेको ग१ज ६१०० नम्बरको पिकअप दुर्घटना भएको हो । दुर्घटनामा गलकोट नगरपालिका–११, रिघाका २२ वर्षीय विष्णु रानाको मृत्यु भएको प्रहरीले जनाएको छ ।

दुर्घटनामा गलकोट–५, सर्दाखेतका २२ वर्षीय राजन विक, वडा नम्बर–४, डाँडाखेतका १९ वर्षीय रमेश सुनार र वडा–३, बोहराफाँटका १९ वर्षीय अशोक बोहरा घाइते भएका जिल्ला प्रहरी कार्यालयका प्रहरी नायब उपरीक्षक विजय यादवले जानकारी दिए ।

पिकअपमा चारजना सवार थिए । गलकोट नगर अस्पतालमा घाइते तीनजनाको उपचार भइरहेको यादवले जानकारी दिए ।

चैतेदसैँ मेलाका निम्ति कोटमैदान जाँदै गर्दा पीकअप दुर्घटनामा परेको उनले बताए । रासस

प्रकाशित मिति: बिहीबार, चैत २१, २०८१  १३:५४
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
Hamro patroHamro patro