काठमाडौं । तीनकुने ताडफोड तथा आगजनी घटनामा पक्राउ परेका राप्रपाका वरिष्ठ उपाध्यक्ष रवीन्द्र मिश्र र महामन्त्री डा. धवलशमशेर राणासहितलाई अदालत पेस गरिँदैछ । जिल्ला सरकारी वकिल कार्यालय काठमाडौंले उनीहरूलाई अदालतमा ल्याउँदै गरेको जानकरी काठमाडौं जिल्ला अदालतमा गराएका छन् । 

अदालतले उनीहरूमाथि अनुसन्धानका लागि अनुमति दिएमा उनीहरू थप समय थुनामा रहनेछन् । अदालतले म्याद नदिएमा भने प्रहरीको प्रक्रिया पूरा गरेर उनीहरू रिहा हुनेछन् ।

राजा फर्काउने भन्दै गत शुक्रबार गरिएको आन्दोलन अराजक हुँदा निजी घरमा आगजनी तथा तोडफोड, जडिबुटी कम्पनीमा तोडफोडसहित आगजनी, भाटभटेनी स्टोरमा लुटपाट भएको थियो ।