काठमाडौं । एएफसी एसियन कप क्वालिफायरको तेस्रो चरणमा मलेसियाविरुद्ध खेल्ने नेपाली टिमको पहिलो रोजाइ सार्वजनिक भएको छ ।

मंगलबार नेपाली टिमले मलेसियाविरुद्ध उसैको मैदानमा खेल्ने तालिका छ । तालिकाअनुसार नेपालले मंगलबार (आज) साँझ ७ः४५ बजे मलेसियाविरुद्ध खेल्ने तय छ ।

अन्तर्राष्ट्रिय फुटबलमा नेपाल पछिल्लो दुई खेलमा अपराजित छ । नेपालले यसअघि अफगानिस्तान र सिंगापुरविरुद्ध समान १–० को जित निकालेको थियो । नेपाली टिम आज सोही लय कायम राख्ने लक्ष्यमा हुनेछ ।

फिफा वरीयतामा मलेसिया नेपालभन्दा ४३ स्थान माथि छ । नेपालले हालसम्म मलेसियालाई हराउन सकेको छैन ।

नेपालको पहिलो रोजाइ–
किरण चेम्जोङ (कप्तान, गोलकिपर), सनिष श्रेष्ठ, सुमन श्रेष्ठ, अनन्त तामाङ, जिलेश्पीजंग कार्की, एरिक बिष्ट, लाकेन लिम्बू, सुमित श्रेष्ठ, आयुश घलान, मनिष डांगी, रोहित चन्द