काठमाडौं । टिकटकले एनसेल नेपाल सुपर लिग (एनएसएल)सँग आगामी तेस्रो सिजनका लागि अफिसियल इन्टरटेनमेन्ट पार्टनरको रूपमा साझेदारी गरेको छ । यस सहकार्यले टिकटकमा विशेष कन्टेन्ट, खेलाडीहरूको संलग्नता र प्रतियोगिताका हाइलाइटमार्फत फ्यानहरूलाई कार्यक्रमको अझै नजिक ल्याउन सहयोग गर्ने विश्वास गरिएको छ ।

टिकटकका अहिले विश्वभर एक अर्बभन्दा बढी सक्रिय प्रयोगकर्ता छन् । मार्च २९ देखि काठमाडौंमा आयोजना हुने एनसेल एनएसएल सिजन ३ को समयमा फुटबल प्रशंसकहरूले टिकटक प्लेटफर्ममा संलग्न हुने र कन्टेन्ट बनाउने अवसर पाउने जनाइएको छ । प्रतिष्ठित दशरथ रंगशालामा आयोजना हुने एक महिना लामो फुटबल महोत्सव २०२५ अप्रिल २६ मा हुने फाइनलसँगै समाप्त हुने एनसेलले जनाएको छ ।

प्रत्येक दिन हजारौँ भिडियोहरू साझेदारी गरिने प्लेटफर्मले मानिसहरूलाई आफ्ना मनपर्ने टिम, खेलाडी र म्याच डे इभेन्टहरू छलफल गर्न स्थान दिने बताइएको छ । यस साझेदारीमार्फत देशभरका एनसेल एनएसएल फ्यानहरूले खेलका हाइलाइट, खेलाडीहरूसँगको पर्दा पछाडिका अन्तरक्रिया र भाइरल गेम डे ट्रेन्डबारे अपडेट रहन सक्छन्, जसले लिगलाई अझ अन्तरक्रियात्मक र आकर्षक बनाउने बताइएको छ ।

नेपालका फुटबल फ्यानहरूले #NSL र #NepalSuperLeague प्रयोग गरेर टिकटकमा प्रतियोगिताका अविस्मरणीय क्षण सँगै सेलिब्रेट गर्न सक्ने एनसेलले जनाएको छ । साथै, #CelebrateFootball ह्यासट्यागले टिकटकमा युनिक कन्टेन्टहरूप्रस्तुत गर्नेछ, जसले युजर डिस्कभरी र एनएसएल कन्टेन्टसँग संलग्नता बढाउँछ ।

यसबाहेक, #CelebrateFootball ले फ्यानहरूलाई नेपाली फुटबलमा यस अघि कहिल्यै नभएको एक्सक्लुसिभ बिहाइन्ड द सिन एक्सेसपनि प्रदान गर्नेछ ।

फ्यानहरूलाई एकताबद्ध गर्ने, नेपालको सबैभन्दा ठूलो फुटबल लिगको उत्साह बढाउनेर फ्यान अनुभवलाई समृद्ध बनाएर फुटबललाई प्लेटफर्मका डिजिटल दर्शकहरूको नजिक विश्वव्यापी रूपमा लैजाने टिकटकको प्रतिबद्धता अनुसार यो सहकार्य गरिएको हो ।

टिकटकको दक्षिण एसियाकी कन्टेन्ट अपरेसन प्रमुख पूजा दत्ताले भनिन्, “हामी नेपालको सबैभन्दा ठूलो खेलकुद कार्यक्रमहरूमध्ये एकएनसेल एनएसएल ३ को अफिसियल इन्टरटेनमेन्ट पार्टनर बन्न पाउँदा उत्साहित छौँ । यस साझेदारीसँगै हामीले टिकटकमा यस सिजनभरि नै लिगका फ्यानहरूमाझ यस भव्य प्रतियोगिताको भावना र जोस ल्याउने लक्ष्य राखेका छौँ ।"

एनएसएलका प्रबन्ध निर्देशक श्रेयान्स कार्कीले भने, “एनएसएल सधैँभरि फुटबलमा फ्यानहरूको अनुभवलाई पुन: परिभाषित गर्ने प्रयास गर्छ । यस सहकार्यले उनीहरूलाई लिग र आफ्ना मनपर्ने खेलाडीहरूसँग पहिलोपटक नजिक ल्याउनेछ । फुटबल केवल खेलमात्र होइन, यो जोस, समाज र साझा अनुभवहरूको बारेमा पनि हो । यहाँ हामी एनएसएल प्रेमीहरूलाई नजिक ल्याउन र टिकटकमार्फत फुटबलप्रतिको उनीहरूको प्रेम सेलिब्रेट गर्न सक्छौँ ।"