काठमाडौं । सत्तसाझेदार दल नेपाली कांग्रेसका सांसद अर्जुननरसिंह केसीले शिक्षकसँग वार्ता गरी सहमति खोज्न माग गरेका छन् ।

मंगलबार (फागुन २७) प्रतिनिधिसभा बैठकमा उनले सरकारले नेपाल शिक्षक महांसघसँग पहिले गरेको सहमति कार्यान्वयन नहुनु निन्दनीय भएको बताए । “सम्झौतालाई निरन्तर अपहेलना गर्नु खेदजनक मात्रै होइन, निन्दनीय हो । राज्यले कसैलाई वचन दिएपछि इमानदार हुनुपर्छ । लाखौँ शिक्षकको महासंघलाई अनादार गर्नु दुःखद,” उनले भने ।

उनले सरकारले पटक–पटक गरेको प्रतिबद्धता पालना गर्दै तत्काल शिक्षकसँग वार्ता र सहमतिको वातावरण बनाउन माग गरे ।