काठमाडौं । वैदेशिक रोजगारीका लागि अमेरिका पठाइदिने आश्वासन दिएर ठगी गरेको आरोपमा दुईजना पक्राउ परेका छन् ।

पक्राउ पर्नेमा ताप्लेजुङको सिरिजंघा गाउँपालिका–१ का ४० वर्षीय ललितबहादुर इवारम सोही ठाउँका ३३ वर्षीय दिपेश सुब्बा लिम्बु छन् । उनीहरू काठमाडौंमा बूढानीलकण्ठ क्षेत्रमा बस्दै आएका थिए ।

प्रहरीका अनुसार, उनीहरूमाथि ५३ लाख रुपैयाँ ठगेको आरोप छ । उनीहरूले बेरोजगार युवायुवतीलाई आकर्षक तलबको प्रलोभन देखाएर रोजगारीका लागि अमेरिका लैजाने नाममा लामो समयसम्म झुक्यानमा राखेर विदेश नपठाएर सम्पर्कविहीन भएका थिए ।

थप अनुसन्धान तथा कारबाहीका लागि उनीहरूलाई वैदेशिक रोजगार विभाग ताहाचल पठाइएको प्रहरीले जनाएको छ ।