काठमाडौं । गोदरेज नेपालले आफ्ना डिलरहरूसँगको साझेदारी अझ मजबुत बनाउन पश्चिम नेपालमा डिलर मिट सफलतापूर्वक सम्पन्न गरेको छ । कार्यक्रममा कम्पनीका नवीनतम् उत्पादनहरूको प्रदर्शनी र बजार प्रवृत्ति र व्यावसायिक रणनीतिहरूका बारेमा छलफल भएको थियो ।

कार्यक्रममा गोदरेज नेपालका प्रतिनिधिहरूले कम्पनीको प्रगति, उत्पादन नवीनीकरण र प्रतिस्पर्धी बजारमा अग्रसर हुने योजनाहरू प्रस्तुत गरे । डिलरहरूले पनि व्यावसायिक अनुभव र चुनौतीहरूबारे अन्तक्र्रियात्मक सत्रहरूमा सहभागिता जनाए ।

रेफ्रिजेरेटर, चेस्ट फ्रिजर, वासिङ मेसिन, एयर कन्डिसनर, एयर कुलर, माइक्रोवेभ ओभन र मेडिकल रेफ्रिजेरेटरका साथै अन्य उत्पादनहरूको उच्च गुणस्तर, ऊर्जा–सक्षम प्रविधि र ग्राहकमुखी डिजाइनहरूबारे प्रयोगात्मक प्रदर्शन गरिएको थियो ।

गोदरेज नेपालका व्यापार इकाई प्रमुख, धर्मेन्द्र जोशीले भने, “यो कार्यक्रमले पश्चिम नेपालमा हाम्रो डिलर नेटवर्क र ग्राहकहरूसँगको विश्वासलाई अझ बलियो बनाउने मार्गप्रशस्त गरेको छ । हामी नवप्रवर्तन र सहकार्यमा अग्रसर रहने प्रतिबद्ध छौँ ।”