काठमाडौं । याडियाको इपोक विद्युतीय स्कुटर नेपालमा सार्वजनिक भएको छ । याडियाको आधिकारीक बिक्रेता कुजु नेपालले याडिया इपोक स्कुटर सार्वजनिक गरेको हो ।

दुई लाख ३५ हजार रुपैयाँ पर्ने स्कुटरको रेन्ज १५० किलोमिटर रहेको छ । स्कुटरमा रहेको ३००० वाटको ह्वील हब मोटरले ६० किमि प्रतिघण्टाको गति दिन्छ।

१५० एनएम टर्क रहेको स्कुटर १६ डिग्रीसम्मको ढलान चढ्न सक्ने कम्पनीको भनाइ छ ।

स्कुटर १२ डिग्रीको उकालोमा ३० मिनेटसम्म लगातार चलाउन सकिने कम्पनीले जनाएको छ । स्कुटरमा ७२ भोल्ट, ३८ एम्पियरआवरको ग्रेफिन ब्याट्री छ ।

स्कुटरमा ३८० मिलिमिटर पेडल स्पेस, ६३० मिलिमिटरको सिट र ३० लिटरको स्टोरेज बक्स छ । स्कुटरको ग्राउन्ड क्लियरेन्स १७० मिलिमिटर  छ ।

कम्पनीले ब्याट्री र मोटरमा दुई वर्ष वा २०,००० किलोमिटरसम्मको वारेन्टी दिएको छ ।

याडियाले लगातार सात वर्षसम्म विश्वकै नम्बर १ इलेक्ट्रिक स्कुटर ब्रान्डको उपाधि पाएको कम्पनीको भनाइ छ । एकसयभन्दा बढी देशमा १० करोडभन्दा बढी युनिट बिक्री गरिसकेको कम्पनीले जनाएको छ ।