काठमाडौं । सामसङ नेपालले २०२५ को भ्यालेन्टाइन सिजनलाई लक्षित गर्दै ग्यालेक्सी एस २४ अल्ट्रा र जी सिरिजमा विशेष अफर ल्याएको छ । सामसङले नयाँ ग्यालेक्सी जेड सिरिजका फोल्डेबल तथा ग्यालेक्सी एस २४ अल्ट्रा स्मार्टफोन खरिदमा अफर ल्याएको हो ।

आफ्नो माया बाँड्न सहज पार्नका लागि, प्राइस् ड्रप तथा बोनस फ्री गिफ्ट रहेको अफरमार्फत अझ सुलभ मूल्यमा बजारमा ग्यालेक्सी एस २४ अल्ट्र र जी सिरिजमा ‘प्राइस् ड्रप’ अफर ल्याएको हो ।

यो वर्षको भ्यालेन्टाइन सिजनमा ग्यालेक्सी जेड फोल्ड ६, ग्यालेक्सी जेड फ्लिप ६ वा ग्यालेक्सी एस २४ अल्ट्रा (१२÷२५६ जीबी) आफ्नो प्रियजनहरूलाई गिफ्टको रूपमा खरिद गर्न चाहने ग्राहकले सो खरिदमा २५ हजार रुपैयाँसम्मको बचत गर्न सक्नेछन् ।

यस प्राइस् ड्रपका साथै ग्यालेक्सी जेड फोल्ड ६ को खरिद गर्दा पाँच हजार ४९९ रुपैयाँ मूल्य रहेको क्लियर केस र ग्यालेक्सी जेड फ्लिप ६ को खरिदमा पाँच हजार ४९९ रुपैयाँ मूल्य रहेको सिलिकन केस पनि ग्राहकहरूले निःशुल्क प्राप्त गर्न सक्ने कम्पनीले जानकारी दिएको छ ।

देशभरका आधिकारिक सामसङ स्टोरहरूमा उपलब्ध सामसङ इनस्टा फाइनान्स सेवाबाट ग्यालेक्सी जेड सिरिजका स्मार्टफोनहरूलाई १८ महिनासम्म र ग्यालेक्सी एस २४ अल्ट्रालाई १२ महिनासम्मको अवधिभित्र शून्य प्रतिशत ब्याजदरमा सजिलो ईएमआईमा प्राप्त गर्न सकिने बताइएको छ । यो प्रक्रियालाई सहज बनाउनका लागि प्रमाणपत्रको रूपमा नागरिकता आवश्यक पर्ने कम्पनीले जनाएको छ ।