काठमाडौं । गायन प्रतियोगिता ‘सिङ्गिङ स्टार नेपाल सिजन–१’ को प्रशारण आउँदो हप्तादेखि सुरू हुने भएको छ । 

‘रिल्स इन्टरटेन्मेन्ट’को प्रस्तुतिमा तयार भएको ‘सिङ्गिङ स्टार नेपाल सिजन–१’ आउँदो हप्ता माघ १२ गतेदेखि प्रत्येक हप्ताको शनिबार र आइतबार राति ९ बजे प्राइमटाइम्स एचडी टिभीबाट प्रशारण हुँदै छ ।

शोमा निर्णायकको भूमिकामा गायिका त्रिशला गुरुङ, संगीतकार अर्जुन पोखरेल र गायक सनुप पौडेल रहेका छन् । 

“रियालिटी शोमा गायन क्षमता भए पनि भोटिङका कारण प्रतियोगी बाहिरिनु पर्ने हुन्छ । तर, अन्तिम १४ मा रहेका प्रतियोगीको गायन क्षमता हेरेर भोटिङका कारण प्रतियोगिताबाट बाहिरिए पनि हामी गीत निकाल्ने अवसरको सिर्जना गर्नेछौँ,” निर्णायक पोखरेलले भने, “यसकारण पनि अन्य भन्दा यो प्रतियोगिता फरक छ ।” 

‘सिङ्गिङ स्टार नेपाल’को उद्देश्य नेपाली सङगीतप्रेमी दर्शकलाई मनोरञ्जनसँगै नेपाली संगीत क्षेत्रका लागि नयाँ प्रतिभाशाली गायक र गायिका खोज्ने रहेको आयोजकले जारी गरेको प्रेस नोटमा उल्लेख छ ।