काठमाडौं । हुन्डाईको नयाँ विद्युतीय (ईभी) एसयूभी हुन्डाई क्रेटा सार्वजनिक भएको छ । दक्षिण कोरियाली अटोमोटिभ कम्पनीले शुक्रबार भारत अटोमोबिलिटी ग्लोबल एक्स्पो, २०२५ मा क्रेटा ईभी सार्वजनिक गरेको हो ।

भारतमा निर्मित किफायती, रेन्ज, डिजाइन तथा स्टाइल एवं फिचरले नेपाल, भारतलगायत देशमा क्रेटा ईभीको प्रतिक्षा गरिएको छ ।

शुक्रबार भारतमा सार्वजनिक क्रेटा ईभी लगभग एक महिनाभित्रै नेपालमा सार्वजनिक हुने हुन्डाईले बताएको छ ।

मोडल तथा भेरियन्ट
हुन्डाईको क्रेटा ईभी दुई ब्याट्री प्याकको अप्सनमा उपलब्ध छ । जसमा ४२ किलोवाटआवरको ब्याट्री प्याक अप्सनले ३९० किलोमिटर र ५१.४ किलोवाटआवरको ब्याट्री प्याकले ४७३ किलोमिटर रेन्जमा दिन्छ ।

४२ किलोवाटआवरको ब्याट्रीसँग १०० किलोवाटको मोटर छ भने, ५१.४ किलोवाटआवर क्षमताको ब्याट्री प्याक रहेको गाडीमा १२६ किलोवाटको मोटर छ ।

विभिन्न फिचर तथा डिजाइनका आधारमा क्रेटा ईभी एक्ज्युकेटिभ, स्मार्ट, प्रिमियम र एक्सीलेन्स गरी चार भेरियन्टमा उपलब्ध हुने हुन्डाईले जनाएको छ ।

नेपाल भित्र्याइने क्रेटा ईभी
नेपाली बजारमा ४२ किलोवाटआवरको ब्याट्री प्याक र एकसय किलोवाटको मोटर रहेको हुन्डाई क्रेटा ईभीका मोडल भित्र्याइने हुन्डाई नेपालले जनाएको छ । फेब्रुअरीभित्र क्रेटा ईभी एसयूभ उपलब्ध हुने हुन्डाईका लागि नेपालको आधिकारिक बिक्रेता लक्ष्मी इन्टरकन्टिनेन्टलले बताएको छ ।

क्रेटा ईभीले ७.९ सेकेन्डमै शून्यदेखि १०० किलोमिटर प्रतिघण्टाको गति दिने कम्पनीले जनाएको छ ।

भारतीय बजारमा हुन्डाई क्रेटा ईभीको सुरुआती मूल्य १७ लाख ९९ हजार भारतीय रुपैयाँ तोकिएको छ । ४२ किलोवाटआवरको ब्याट्री रहेका सबै मोडेल २० लाख भारतीय रुपैयाँभन्दा कम मूल्यमा उपलब्ध भएका छन् ।

सुरक्षा फिचर
६ एयरब्याग रहेको क्रेटा ईभीमा एबीएस विथ ईबीडी, हिल डिसेन्ट कन्ट्रोल, लेन चेन्ज इडिन्केटर विथ फ्लास एडजस्टमेन्ट जस्ता सुरक्षा फिचर छन् । टिमरसहितको रियर डिफोगर, अटो होल्डसहितको ईपीबी र एफआर क्यामेरा, राडार र आरआर राडारसहितको एडास फिचर गाडीमा छ ।

एक्सटेरियर र इन्टेरियर
गाडी बाहिर सुरक्षा एवं सहजताका लागि राखिएका सुविधामा एलईडी टर्न इन्डिकेटर, एक्टिभ एयर फ्ल्याप, हेलोजन प्रोजेक्सन हेडल्याम्प, एलईडी सिक्वैन्सियल इडिन्केटर छ । यस्तै, पडल ल्याम्पविथ एच लोगो प्रोजेक्सन, एलईडी एमआरएफ हेड ल्याम्प, एलईडी डीआरएलएस र एलईडी टेल ल्याम्प जस्ता सुविधा गाडीको एक्सटेरियरमा छन् ।

गाडीभित्र ईभी युनिक कलर थिम, फुल क्लथ सिट फेब्रिक, सिफ्ट बाई वायर कलम टाइप, १०.२५ इञ्चको डिजिटल क्लस्टर, डीएलएक्स डोर स्कुफ, एम्बियेन्ट लाइटिनिंग, एलईडी रिडिंग ल्याम्प र ईभी युनिकि स्टेरिङ ह्विल छ ।

यस्तै, स्टेरिङमा अडियो तथा फोन कन्ट्रोल माउन्ट गरिएको छ । ब्लुटुथ कनेक्टिभिटी, भीआर फंक्सन, १०.२५ इञ्चको इन्फोटेनमेन्ट स्क्रिन, बोस प्रिमियम साउन्ड सिस्टम छ । आठवटा स्पिकर सिस्टम रहेको गाडीमा जिओ साभन म्युजिक स्ट्रिमिङ समेत उपलब्ध छ ।

कम्फट र कन्भिनियन्स
गाडीमा प्याडल सिफ्टरसहितको रिजेनरेटिभ ब्रेकिङ सिस्टम छ । ड्राइभर सिट ६ तरिकाले पावर एडजस्टेबल छ ।

वायरलेस र्चाजिङ, फ्रन्ट स्टोरेज, फ्रंक एलईडी ल्याम्प, रियर म्यानुअल कर्टिन, स्मार्ट पानारोमिक सनरुफ र स्मार्ट रिजेनेरेटिभ ब्रेकिङ क्रेटा ईभी एसयूभीमा छ ।

गाडीको ब्याट्रीबाट अन्य कुरा चार्ज गर्न एवं उपकरण चलाउन भीटूएल, एक्यूआई इन्डिकेटर, ड्राइभ मोडल सिलेक्ट, रियर वाईपर र वासर, क्रुज कन्ट्रोल सुविधा छ ।

स्टाटका लागि पुस बटनसँगै गाडीमा स्मार्ट की रहेको छ । स्मार्ट कीबाट गाडीलाई टाढैबाट स्टार्ट गर्न सकिन्छ । गाइडलाइनसहितको रियर पार्किङ क्यामेरा र अटोफोल्डसहितको ओआरभीएम जस्ता सुविधा नेपाल भित्रिने ईभीमा मिल्ने हुन्डाईले जनाएको छ ।

भारतमा दश कलरमा उपलब्ध हुने गाडी नेपालमा सात रङमा उपलब्ध हुनेछ । जसमा पाँच वटा मेटालिक, तीन मेट र दुई डुअल टोन रङ छन् ।

चार्जिङ
११ किलोवाटको वाल बक्स फास्ट एसी चार्जिङबाट चार घण्टामा दशदेखि १०० प्रतिशत चार्ज हुने हुन्डाईले जनाएको छ । डीसी चार्जिङबाट भने ५८ मिनेटमै १० देखि ८० प्रतिशत चार्ज हुनेछ । कम्पनीले ६० किलोवाटको डीसी फास्ट चार्जर रिकोमेन्ड गरेको छ । गाडीले सीसीएस टाइप दुई चार्जिङ गन सर्पोट गर्छ ।

हुन्डाईले नेपाल, भारत, बंगलादेश, श्रीलंकालगायत देशलाई लक्षित गर्दै विश्व बजारमा निर्यात गर्ने गरी क्रेटा ईभी उत्पादन गरेको छ । कम्पनीले यसअघि कोना र आयोनिक ईभी ब्रान्ड उपलब्ध गराउँदै आएको छ ।

नेपाल, भारत, बंग्लादेश, श्रीलंकालगायत देशमा हुन्डाईको पेट्रोलियम एसयूभी क्रेटा निकै रुचाइन्छ । यस्तोमा हुन्डाईको क्रेटा ईभीले पनि विशेष स्थान बनाउने विश्वास कम्पनीको छ ।