काठमाडौं । ग्लोबल टेक इनोवेटर अनरले एक्स सिरिजको रूपमा अनर एक्स ५बी सिरिज सार्वजनिक गरेको छ । मध्यम स्तरका रूपमा अनरको एक्स ५बी सार्वजनिक भएको हो ।

१२ हजार ९९९ रुपैयाँ रहेको ५बी सिरिजलाई विशेष गरी मध्य–स्तरका स्मार्टफोनलाई नयाँ परिभाषा दिनका लागि डिजाइन गरिएको कम्पनीको भनाइ छ ।

फोनमा लामो समय टिक्ने ब्याट्री, प्रसस्त स्टोरेज, उन्नत एआई क्यामेरा र आकर्षक डिस्प्लेको साथमा प्रयोगकर्तालाई उत्कृष्ट अनुभव प्रदान गर्ने कम्पनीको भनाइ छ । अनरको एक्स ५बी सिरिजको ५२०० एमएएच ब्याट्रीले एकपटक चार्जमा दुई दिनसम्म टिक्ने कम्पनीको भनाइ छ ।

यसले २२ घन्टासम्मको इन्टरनेट ब्राउजिङ वा २३ घन्टासम्मको सामाजिक सञ्जाल चलाउन सहज बनाउने कम्पनीको दाबी छ ।

अनर सुपर पावर–सेभिङ मोडले केवल १० प्रतिशत ब्याट्रीले १९ घन्टासम्म स्ट्यान्डबाई समय दिन्छ । यसका साथै, एक हजार चार्ज साइकलपछि पनि यो ब्याट्रीको ८० प्रतिशत क्षमता कायम रहने कम्पनीले जनाएको छ ।