site stats
बाह्रखरी :: Baahrakhari
देश
Global Ime bankGlobal Ime bank
धनगढीबाट आधा केजी सुनसहित दुई भारतीय नागरिक पक्राउ

कैलाली । धनगढी उपमहानगरपालिका–३ ट्राफिक चौराहबाट ५४९.२ ग्राम अवैध सुनसहित दुईजना भारतीय नागरिकलाई आज प्रहरीले पक्राउ गरेको छ ।

भारतको उत्तर प्रदेश मोहला बजार–२ पलियाकला खिरीका दीपक गुप्ता र सोही ठाउँका सुमित बर्मालाई अवैध सुनसहित पक्राउ गरिएको जिल्ला प्रहरी कार्यालयका सहप्रवक्ता एवं प्रहरी निरीक्षक दर्शन खड्काले जानकारी दिए ।

उनका अनुसार, प्रहरी उपरीक्षक पदमबहादुर विष्टको कमान्डमा खटिएको प्रहरी टोलीले ५४९.२ ग्राम सुनजस्तो देखिने पहेँलो धातुका काटिएका टुक्रा दुई थान र सरसमान बरामद गरेको हो । भारतको पलियाकला खिरीका गुप्ताले चलाएको उत्तर प्रदेश ३२ जेभी ९२०० भारतीय नम्बर प्लेटको कार शंका लागेर चेक गर्दा कारभित्र राखिएको ज्याकेटको खल्तीमा लुकाइएको अवस्थामा सुन भेटिएको हो ।

प्रहरीले उनीहरूका साथबाट सुनसहित लेनोभो ल्यापटप एक थान, रियलमी र रेडमी मोबाइल दुई थान, नेपाली नगद ४४ हजार आठ सय १०, भारतीय एक हजार दुई सय ८० रुपैयाँ र उत्तरप्रदेश ३२ जेभी ९२०० नम्बर प्लेट भएको सुजुकी कार बरामद गरेको छ । बरामद गरिएको समान र पक्राउ गरिएका दुवैजनाका बारेमा थप अनुसन्धान भइरहेको प्रहरीले जनाएको छ । रासस

प्रकाशित मिति: आइतबार, पुस ७, २०८१  २३:२९
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro