काठमाडौं । नेपाल प्रिमियर लिग (एनपीएल)मा चितवन राइनोजका रवि बोपारा तीन अर्धशतक बनाउने पहिलो ब्याटर बनेका छन् ।

उनले बुधबार कीर्तिपुरस्थित त्रिवि क्रिकेट मैदानमा कर्णाली याक्सविरुद्ध ५३ रनको अर्धशतकीय इनिङ खेले । यसक्रममा बोपाराले ३३ बलको सामना गर्दा तीन चौका र चार छक्का प्रहार गरे ।

बोपाराले यसअघि पोखरा एभेन्जर्सविरुद्ध ५१ र कर्णाली याक्सविरुद्ध ५९ रन बनाएका थिए ।

एनपीएलमा कर्णाली याक्सका विलियम बोसिस्टो र लुम्बिनी लायन्सका कप्तान रोहितकुमार पौडेलले समान दुई अर्धशतक बनाएका छन् ।