काठमाडौं । नेपाल प्रिमियर लिग (एनपीएल)अन्तर्गत सोमबारको दोस्रो खेलमा जनकपुर बोल्ट्सविरुद्ध ब्याटिङ गरिरहेको कर्णाली याक्सले पहिलो पावर प्लेमा सुस्त सुरुआत गरेको छ ।

कीर्तिपुरस्थित त्रिवि क्रिकेट मैदानमा टस जितेर ब्याटिङमा आएको कर्णालीलेले पहिलो ६ ओभरका दुई विकेट गुमाएर ३१ रन बनाएको छ । 

६ ओभरभित्र कर्णाली ओपनरद्वय शिखर धवन र देव खनाललाई गुमाएको छ । शिखर लाई हर्ष थोकरको पाँचौँ ओभरको दोस्रो बलमा बोल्ड गरे । शिखरले टिमको खातामा १४ रन बनाए ।

त्यसअघि कर्णालीले दोस्रो ओभरको दोस्रो बलमा ओपनर देव खनाललाई गुमाएको हो । जनकपुरका ललितनारायण राजवंशीबाट बोल्ड हुनुअघि देवले टिमको खातामा एक रन थपे ।

आजको खेलमा कर्णाली सोमपाल कामी र जनकपुर अनिल शाहको कप्तानमा मैदान उत्रिएको छ ।

प्रतियोगितामा कर्णालीको यो पहिलो खेल हो । जनकपुरले भने यसअघि आफ्नो पहिलो खेलमा विराटनगर किंग्स्विरुद्ध आठ विकेटको जित निकालेको थियो ।

सोमबारको पहिलो खेलमा यसअघि चितवन राइनोजले काठमाडौं गुर्खाजविरुद्ध पाँच विकेटको जित निकालेको थियो ।