काठमाडौं । तीन सय ५६ ग्राम सुनसहित प्रहरीले एक जनालाई आज पक्राउ गरेको छ । पक्राउ पर्नेमा भारतको उत्तर प्रदेश गोन्डा जिल्लास्थित कान्जे मोउ बस्ने २७ वर्षीय कनैया लाल रहेका छन् ।

उनलाई काठमाडौंस्थित नागढुंगाबाट पक्राउ गरिएको जिल्ला प्रहरी परिसर काठमाडौंका प्रवक्ता एवं प्रहरी उपरीक्षक नवराज अधिकारीले जानकारी दिए ।

बुटवलदेखि काठमाडौंतर्फ आउँदै गरेको लु २ ख ६८५८ नम्बरको यात्रुवाहक बस चेकजाँच गर्ने क्रममा उनलाई सुनसहित पक्राउ गरिएको प्रहरीले जनाएको छ ।

प्रहरीका अनुसार, कनैया लालले गुप्तांगमा कार्बनको कागज बाहिर खैरो रङको टेपले बेरेर सुन ल्याएका थिए ।

घटनाबारे प्रहरी वृत्त थानकोटबाट थप अनुसन्धान भइरहेको जिल्ला प्रहरी परिसर काठमाडौंले जनाएको छ ।