काठमाडौं । चलचित्र ‘पूर्ण बहादुरको सारङ्गी’को शो बढ्ने क्रम जारी छ । आज पनि यो सिनेमाको शो उल्लेख्य मात्रामा थपिएको छ । 

क्यूएफएक्सका आउटलेटमा मात्र आज १५ शो थपिएको छ । हिजो ६४ शो पाएको चलचित्रले आज ७९ शो पाएको छ । चलचित्र रिलिज हुँदा यो चलचित्रले क्यूएफएक्समा जम्मा ३८ शो पाएको थियो । 

आज यो चलचित्रले क्यूएफएक्सका काठमाडौं उपत्यका भित्रका आउटलेटमा ३५ र बाहिर ४४ शो पाएको छ । सुरु दिन १९/१९ शो पाएको थियो । 

• उठ्यो ‘पूर्ण बहादुरको सारङ्गी’, ‘सिंघम अगेन’ र ‘भूल भुलैया–३’लाई पछि पार्दै देशभर हाउसफूल

अन्य मल्टिप्लेक्सले पनि यो चलचित्रलाई शो थप्दै गएका छन् । ‘पूर्ण बहादुरको सारङ्गी’ले आज वान सिनेमाजमा आज १० शो पाउँदा आईएनआईले शो बढाएर १८ पुर्याएको छ । 

वर्डअफ माउथ बलियो भएपछि पाएका शो हाउसफूल भएसँगै हलहरूले ‘पूर्ण बहादुरको सारङ्गी’लाई शो थप्दै गएका छन् । आज पनि धेरै शोमा अग्रिम टिकट बुकिङ फिलिङ फाष्टमा गएका छन् । 

• १२ वर्षपछि खोलो फर्कियो, विजय हिरो भए

सरोज पौडेलले निर्देशन गरेको चलचित्रमा विजय बरालसँगै प्रकाश सपूत, मुकुन भुसाल, अञ्जना बराइलीलगायत कलाकारको मुख्य भूमिका छ । 

चलचित्रमा संवाद महेश दवाडीले लेखेका छन् । निर्माता विनोद पौडेल र प्याट्रिक सुवेदी हुन् । 

कार्यकारी निर्मातामा रमेश चौलागाईं, हरि श्रेष्ठ र रमेश ढकाल छन् ।