काठमाडौं । इंग्लिस क्लब म्यान्चेस्टर युनाइटेडले मुख्य प्रशिक्षक एरिक टेन हागलाई बर्खास्त गरेको छ । सोमबार क्लबको बोर्ड बैठकले मुख्य प्रशिक्षक टेन हागलाई बर्खास्त गर्ने निर्णय गरेको हो ।

प्रिमियर लिगमा स्वाभाविक लयका निम्ति संघर्षरत युनाइटेडले आइतबार राति भएको खेलमा वेस्ट ह्यामसँग २–१ को हार बेहोरेको थियो ।

टेन हागले म्यान्चेस्टर युनाइटेडको प्रशिक्षकको भूमिका साढे दुई वर्ष सम्हाले । बोर्ड बैठकले टेन हागको सहायकका रूपमा क्लबमा आबद्ध भएका रुड भान निस्टेलरोयलाई अन्तरिम प्रशिक्षकका रूपमा नियुक्त पनि गरेको छ ।

वेस्ट हामसँग पराजित भएसँगै युनाइटेड प्रिमियर लिगको १४औँ स्थानमा छ । जारी लिगका नौ खेलमा म्यान्चेस्टर युनाइटेडले तीन खेलमा जित हात निकाल्दा चार खेलमा पराजित भएको छ । युरोपा लिगमा पनि ३६ टिममध्ये म्यान्चेस्टर युनाइटेड २१ औँ स्थानमा छ ।