काठमाडौं । राष्ट्रिय सतर्कता केन्द्रले हेलो सरकारमा परेका उजुरी अध्ययन गरी संवेदनशील कार्यालयहरूमा हुनसक्ने भ्रष्टाचारजन्य कार्यको निगरानी गर्ने भएको छ ।
 
मुख्य सचिव एकनारायण अर्यालको अध्यक्षतामा सोमबार बसेको बैठकले सतर्कता केन्द्रलाई उक्त कार्य गराउने निर्णय गरेको हो । “साथै, सबै निकाय/कार्यालयहरूमा कर्मचारीको उपस्थिति र अनुशासन एवं सेवाप्रवाहको अनुगमन गरी सोको प्रतिवेदन मासिक रूपमा प्रधानमन्त्री तथा मन्त्रिपरिषद्को कार्यालयमा उपलब्ध गराउनेछ,” बैठकको निर्णयमा भनिएको छ ।
 
हेलो सरकारमा दैनिक सयौंको संख्याम सार्वजनिक सेवालाई लिएर उजुर पर्ने गर्छन् । अबदेखि यस्ता उजुरीको अध्ययन सतर्कता केन्द्रलाई पनि गर्न दिइनेछ ।