काठमाडौं । सपोर्ट लघुवित्त वित्तीय संस्थाले गत आर्थिक वर्ष २०८०÷८१ को वितरणयोग्य मुनाफाबाट १४.५० प्रतिशत लाभांश प्रस्ताव गरेको छ । कम्पनीको गत आइतबार सम्पन्न सञ्चालक समितिको बैठकले १३.७७५ प्रतिशत बोनस सेयर र कर प्रयोजनका लागि ०.७२५ प्रतिशत नगद लाभांश वितरण गर्ने प्रस्ताव गरेको हो ।

कम्पनीले कुल एक करोड ५६ लाख चार हजार ७४६ रुपैयाँ बराबरको लाभांश वितरण गर्ने प्रस्ताव गरेको हो ।

उक्त प्रस्ताव नेपाल राष्ट्र बैंकबाट स्वीकृति पाएपछि कम्पनीको आगामी साधारणसभाबाट पारित भएपछि लगानीकर्ताले प्राप्त गर्नेछन् ।