काठमाडौं । शाओमीले दसैँको अवसरमा ‘दसैँको बहार, हरेक दिन थाइल्यान्ड ट्रिप उपहार’ योजना सार्वजनिक गरेको छ । यसअन्तर्गत ग्राहकले कुनै पनि शाओमी वा रेड्मी ब्रान्डका स्मार्टफोन किन्दा दैनिक पुरस्कार जित्ने मौका पाउनेछन् । 

यस अफर योजनाअन्तर्गत हरेक दिन पाँचजना भाग्यशाली विजेताले रेड्मी बड्स ५ ए जित्ने कम्पनीले बताएको छ । अन्य चारजना विजेताले रेड्मी वाच ५ एक्टिभ जित्नेछन् । 

क्याम्पेनको मुख्य आकर्षणका रूपमा हरेक दिन एकजना विजेताले थाइल्यान्डको ट्रिप पाउने भएका छन् । 

यो अफर असोज १५ देखि असोज २४ सम्मका कुनै पनि शाओमी वा रेड्मी ब्रान्डका स्मार्टफोन खरिद लागु हुने भएको छ । फोन खरिदपछि उक्त स्मार्टफोनको आईएमइआई वान नम्बरलाई ३६००० मा एसएमएसमार्फत पठाउनु पर्नेछ । एसएमएस पठाउँदा MI<Space>IMEI 1 Number टाइप गरी ३६००० मा पठाउनुपर्ने कम्पनीले जनाएको छ ।

शाओमी नेपालका कन्ट्री जनरल म्यानेजर मनु मनास्वीले दशैंको उत्सवलाई अझ विशेष बनाउन ‘दसैँको बहार, हरेक दिन थाइल्यान्ड ट्रिप उपहार’ क्याम्पेन ल्याउदा उत्साहित भएको बताएका छन् ।  

यसबाहेक ग्राहकहरूले आफ्ना लेटेस्ट मोडेलहरूको खरिदमा कात्तिक ३० गतेसम्म चार हजार रुपैयाँसम्मको छुट पाउने कम्पनीले जनाएको छ ।