काठमाडौं । नेक्सजेन म्यानेजमेन्ट सोलुसन्स प्रा.लि.ले यही असोज १९ गते साधारणसभा आह्वान गरेको छ । कम्पनीले पाँच प्रतिशत लाभांशसहित काठमाडौंको  होटेल यलो पगोडामा सातौँ वार्षिक साधारणसभा बोलाएको हो ।

उक्त लाभांश गत असार मसान्तसम्म कायम सेयरधनीले प्राप्त गर्ने बताइएको छ ।

पूर्वबैंकरहरूले सात वर्ष अगाडि सम्पति व्यवस्थापन र सल्लाहका सेवा दिने गरी यो कम्पनी स्थापना गरेका थिए ।

कम्पनीले छिट्टै नियमक निकायको स्वीकृति लिएर पोर्टफोलियो म्यानेजमेन्ट, प्राइभेट ईक्विटी र भेन्चर क्यापिटलसम्बन्धी कामहरू, सल्लाहकार सेवा र सीमित मात्रामा केही संस्थाको सम्पति व्यवस्थापनसम्बन्धी काम पनि गर्ने कार्यक्रम बनाएको कम्पनीका अध्यक्ष रमेशकुमार भट्टराईले जानकारी दिए ।