देश
काठमाडौं । ललितपुरको किस्ट अस्पतालमा पानी पसेको छ । पर्खाल भत्किएपछि स्थानीय कर्मनाशा खोलाको पानी अस्पताल परिसरमा पसेको हो ।
स्थानीय प्रहरीका अनुसार अस्पतालको तल्लो तलामा पानी पसेपछि बिरामीलाई सुरक्षित स्थानमा सारिएको छ ।
लगातारको वर्षासँगै कर्मनाशा खोलामा आएको बाढीले अस्पतालको पर्खाल भत्काएको हो ।
अविरल वर्षासँगै स्थानीय खोला एवं नदी किनारका घरहरूमा पानी पसेको प्रहरीले जनाएको छ । प्रहरीले माइकिङ गरेर स्थानीयलाई सुरक्षित रहन आग्रह गरेको छ ।
प्रकाशित मिति: शनिबार, असोज १२, २०८१ ०७:३५
प्रतिक्रिया दिनुहोस्