काठमाडौं । नेपाली बजारमा नयाँ बजाज पल्सर एनएस २०० को बिक्री सुरु भएको छ । बजाज मोटरसाइकलको नेपालको लागि आधिकारिक वितरक हंसराज हुलासचन्द एन्ड कम्पनीले ब्लुटुथ कनेक्सन र नेभिगेसनसहितको पूर्ण डिजिटल कन्सोल भएको एनएस२०० सार्वजनिक गरेको हो ।

नयाँ बजाज एनएस २०० मा पावर, प्रविधि र डिजाइनको उत्कृष्ट संयोजन रहेको कम्पनीको भनाइ छ । ट्रिपल स्पार्क फोर भल्भ इन्जिन रहेको बाइकले १८ किलोवाट पावर र १८.७४ एनएम टर्क उत्पन्न गर्ने कम्पनीले जनाएको छ ।

यसमा ६–स्पीड गियरबक्स र नयाँ प्रणालीको एलइडी लाइटिङ छ । मोटरसाइकलको मुख्य विशेषता भनेको ब्लुटुथ कनेक्टिभिटीसहितको पूर्ण–डिजिटल कन्सोल भएको र यसमा टर्न–बाई–टर्न नेभिगेसन, गियर पोजिसन इन्डिकेटर, डिस्ट्यान्स–टु–एम्प्टी रिडआउट, र इन्धन खपतको डेटा छ ।

अपसाइड–डाउन फ्रन्ट फोर्क्स र डुअल–च्यानल एबीएसले उत्कृष्ट ब्रेकिङ कन्ट्रोल प्रदान गर्ने कम्पनीले जनाएको छ । स्पोर्टी डिजाइन, उन्नत इन्जिनियरिङ र उत्कृष्ट पावर–टु–वेट रेसियोले यस मोटरसाइकल जस्तोसुकै सडकमा फिट हुने कम्पनीको दाबी छ ।

गोल्छा ग्रुपका निर्देशक अभिमन्यु गोल्छाले नेपाली बजारमा नयाँ बजाज पल्सर एनएस २०० सार्वजनिक गर्न पाएकोमा खुसी व्यक्त गरे । नयाँ बजाज पल्सर एनएस २०० को मूल्य चार लाख ४४ हजार ९०० रुपैयाँ छ ।