काठमाडौं । प्रधानमन्त्री केपी शर्मा ओलीले काभा वुमन्स नेसन्स लिग भलिबलको फाइनल खेलमा नेपालकी सरस्वती चौधरीको प्रदर्शन उत्कृष्ट लागेको प्रतिक्रिया दिएका छन् ।

फाइनल खेल हेर्न प्रधानमन्त्री ओली पनि सहभागी हुने पूर्वनिर्धारित कार्यक्रम थियो । तर, हेलिकोप्टर दुर्घटनापछि बसेको मन्त्रिपरिषद्को आकस्मिक बैठकका कारण उनी सहभागी हुन पाएनन् ।

"तेस्रो चरणदेखि मात्र खेलको लाइभ हेरेँ। नेपाली टोलीको उत्कृष्ट प्रदर्शन हुँदाहुँदै पनि हामीले जित्न सकेनौँ । तीन नम्बर जर्सी लगाएकी सरस्वती चौधरीको प्रदर्शन उत्कृष्ट लाग्यो । एक पटकको हार सधैँको हार होइन, हामी जित्ने छौँ । धन्यवाद नेपाली टिम," ओलीले फेसबुकबाट भनेका छन् ।

उपाधि भिडन्तमा भारतसँग पराजित भए पनि नेपालकी सरस्वतीले राम्रो प्रदर्शन गरेकी थिइन् ।