![भोटोजात्रामा राष्ट्रपति र प्रधानमन्त्रीकै अगाडि लाग्यो नारा– बालेन शाह जिन्दावाद !](https://12khari.top/uploads/posts/Balen-Shah-1722776634.jpg)
काठमाडौं । ललितपुरको जावलाखेलमा रातो मच्छिन्द्रनाथको रथजात्राको अन्तिम दिन भोटो देखाउने क्रममा राष्ट्रपति र प्रधानमन्त्रीकै अगाडि युवाहरूको एक समूहले काठमाडौं महानगरपालिकाका मेयर बालेन शाहको पक्षमा नारा लगाएको छ ।
आइतबार अप्राह्न राष्ट्रपति रामचन्द्र पौडेल, प्रधानमन्त्री केपी शर्मा ओलीसहित विशिष्ट व्यक्तिकहरूले भोटोजात्राको अवलोकन गरिहरेका बेला २०–३० जनाको युवाहरूको समूहले 'बालेन शाह – जिन्दावाद'को नारा लगाएको हो ।
उनीहरूलाई साम्य पार्न प्रहरीलाई हम्मेहम्मे परेको थियो । पछि आफैँ नारा लाग्न छोडेको थियो ।
वर्षा र सहकालका देवताका रूपमा मानिने रातो मच्छिन्द्रनाथको रथजात्राको अन्तिम दिन भोटो देखाउने चलन छ ।
राष्ट्रपति पौडेलसहित विशिष्ट व्यक्तिहरू जात्रा अवलोकलनका लागि जावलाखेल पुगेका थिए ।