काठमाडौं । कृषि, सहकारी तथा प्राकृतिक स्रोत समितिको बैठक आज बस्दै छ । बैठक अपराह्न साढे ४ बजे सिंहदरबारमा बस्नेछ । 

बैठकमा समिति सभापतिको निर्वाचन हुनेछ । समिति सभापतिका लागि नेपाली कांग्रेसबाट सांसद कुसुम थापा मगरको उमेदवारी दर्ता भएको छ । 

• कृषि समितिमा कांग्रेस सांसद थापाले दर्ता गराइन् उमेदवारी (तस्बिरसहित)

यसअघिकी सभापति डा. आरजु राणा देउवा परराष्ट्रमन्त्री बनेसँगै कृषि समितिको सभापति रिक्त छ । 

सोमबार उमेदवारी दर्ता गराएकी थापा मगरको प्रस्तावक कांग्रेस सांसद वीरबहँदुर बलायर र नेकपा एमालेका सूर्यप्रसाद ढकाल समर्थक छन् ।