देश
![ठैवको रिह्याव सेन्टरका थप एकजनामा हैजा](https://12khari.top/uploads/posts/haija1-1721722016.jpg)
काठमाडौं । ललितपुरको गोदावरी नगरपालिका–१४, ठैवस्थित रिह्याविलिटेसन सेन्टरमा थप एकजनामा हैजा संक्रमण देखिएको छ ।
हैजाको लक्षण देखिएका सेन्टरका एक किशोरमा बिहीबार आरडीटी (र्यापिड डाइग्नोष्टिक टेस्ट) गर्दा हैजा देखिएको वडाध्यक्ष निरोज बज्राचार्यले जानकारी दिए ।
उनका अनुसार थपिएका बिरामीलाई थप परीक्षणका निम्ति शुक्रराज ट्रपिकल तथा सरुवारोग अस्पताल टेकु पठाइएको छ ।
यसअघि, साउन ७ गते सोही सेन्टरका चारजनामा हैजा पुष्टि भएको थियो । उनीहरूको अवस्था अहिले सामान्य छ । योसहित काठमाडौं उपत्यकामा ५ जनामा हैजा देखिएको छ ।
प्रकाशित मिति: शुक्रबार, साउन ११, २०८१ १२:०२
प्रतिक्रिया दिनुहोस्