देश
![रुकुम पश्चिममा खोलाले बगाउँदा एकजनाको मृत्यु](https://12khari.top/uploads/posts/Death1689346235.jpg)
त्रिवेणी (रुकुम पश्चिम) । रुकुम पश्चिमको आठबीसकोट नगरपालिका–१२ मा खोलाले बगाउँदा एकजनाको मृत्यु भएको छ । सिलागाउँका ५५ वर्षीय चन्द्रे पुनलाई बिहीबार खोलाले बगाउँदा मृत्यु भएको हो ।
काफचौर तर्नेक्रममा खोलाले बगाउँदा पुनको मृत्यु भएको इलाका प्रहरी कार्यालय आठबीसकोटका प्रहरी निरीक्षक नवीन मरासिनीले जानकारी दिए । उनको शव ढुंगा र माटोले पुरिएको अवस्थामा फेला परेको छ ।
यसअघि सोमबार राति आएको बाढीले सोही वडाको झिनचौरमा तीन बालिकाको मृत्यु भएको थियो । खोलाले बगाउँदा एकजना अझै बेपत्ता छन् । बाढीका कारण सो क्षेत्रमा भौतिक संरचनामा अत्यधिक क्षति पुगेको । रासस
प्रकाशित मिति: बिहीबार, साउन ३, २०८१ १३:५७
प्रतिक्रिया दिनुहोस्