site stats
बाह्रखरी :: Baahrakhari
खेल
Global Ime bankGlobal Ime bank
एमबाप्पे बर्नबेउमा सार्वजनिक 

काठमाडौं । स्पेनिस क्लब रियाल मड्रिडले युवा फरवार्ड किलियन एमबाप्पेलाई सान्टियागो बर्नबेउमा सार्वजनिक गरेको छ । रियालले मंगलबार भरिभराउ समर्थकमाझ एमबाप्पेलाई बर्नबेउमा सार्वजनिक गरेको हो । 

एमबाप्पेलाई एक महिनाअघि रियालले भित्र्याएको थियो । फ्रेन्च क्लब पेरिस सेन्ट जर्मन (पीएसजी)सँगको सम्झौता समाप्त भएपछि एमाबप्पेले रियालसँग सम्झौता गरेका हुन् । २५ वर्षीय एमबाप्पे २५६ गोलसहित पीएसजीका उच्च गोलकर्ता समेत हुन् ।

“यो विश्वकै सबैभन्दा ठूलो क्लब हो । म जित्न चाहन्छु । म यो क्लबको इतिहासको भाग बन्न चाहन्छु,” बर्नबेउमा सार्वजनिक भएपछि एमबाप्पेले भने, “मैले मेरो आमा रोएको देखिरहेको छु । यो मेरो लागि असाधारण दिन हो । यहाँ हुन पाउनु मेरो लागि अद्भुत अनुभव हो । मैले वर्र्षौदेखि रियाल मड्रिडको सपना देखिरहेको थिए । अहिले यो वास्तविकता बनेको छ ।” 

एमबाप्पेले रियालबाट ९ नम्बर जर्सी लगाउनेछन् । एमबाप्पेले पीएसजीमा ६ वर्ष बिताउँदा कुल १७ उपाधि जिते । उनले पीएसजीबाट ६ लिग वान, चार फ्रेन्च कप, पाँच फ्रेन्च सुपर कप र दुई लिग कपको उपाधि जितेका छन् । एमबाप्पे मोनाकोबाट सन् २०१८ मा पीएसजी अनुबन्धित भएका थिए । त्यसअघि उनले एक सिजन लोनमा पीएसजीबाट खेलेका थिए ।

प्रकाशित मिति: मंगलबार, साउन १, २०८१  १७:४८
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro