मस्कट । ओमानको राजधानी मस्कटको एक मश्जिद नजिक गोली चल्दा चारजनाको मृत्यु भएको छ । 

प्रहरीले जारी गरेको वक्तव्यमा स्थानीय अल वादी अल कबीर क्षेत्रमा भएको सो गोली प्रहारमा केही अन्य मानिस पनि घाइते भएका छन् ।

प्रहरीले थप विवरण भने दिएको छैन । 

एकजना राइफलधारीले गोली प्रहार गरेको प्रत्यक्षदर्शीले जनाएका छन् । बहुसंख्यक मुश्लिम समुदाय रहने गरेको ओमानमा यसखालको हिंसा यदाकदा मात्रै हुने गरेको बीबीसीले जनाएको छ ।