वाशिङटन । अमेरिकाका पूर्व राष्ट्रपति तथा आगामी चुनावमा राष्ट्रपतिका उम्मेदवार डोनाल्ड ट्रम्पले रिपब्लिकन पार्टीबाट उपराष्ट्रपतिको उमेदवारमा जेडी भान्सलाई चयन गरेका छन् । 

उनी आउँदो अगस्ट देखि ४० वर्षमा टेक्दै छन् ।  ट्रम्पको उमेर भने ७८ वर्षको छ । राष्ट्रपति र उपराष्ट्रपतिका उमेदवारको उमेरको अन्तर निकै देखिएको छ । 

भान्स ओहियोबाट प्रतिनिधित्व गर्दछन् । उनी त्यहाँबाट हालसालै सिनेटरमा नियुक्त भएका थिए । सोमबारदेखि विकिन्सनमा जारी रिपब्लिकन पार्टीको राष्ट्रिय सम्मेलनमा ट्रम्पले उपराष्ट्रपतिको उमेदवार छानेका हुन् ।
डेमोक्रेटिक पार्टीको तर्फबाट वहालवाला राष्ट्रपति जो बाइडेन र उपराष्ट्रपति कमला ह्यारिस नै अहिलेसम्म सम्बद्ध पदमा उमेदवार  छन् । 

ट्रम्प रिपब्लिकनको सोमबारको कार्यक्रममा दायाँ  कानमा ब्यान्डेज लगाएको अवस्थामा देखा परेका थिए ।   गएको शनिबार पेन्सिलभानियामा भएको चुनावी र्‍यालीमा उनको  हत्या प्रयास भएको थियो । तर, गोलीले कानमा मात्रै छोएकोले उनी जोगिएका थिए । (सीएनएन)