काठमाडौं । राष्ट्रियसभाले भन्सार महसुल विधेयक, २०८१ सर्वसम्मतिले पारित गरेको छ ।
सोमबार बसेको राष्ट्रियसभा बैठकले प्रतिनिधिसभाबाट सन्देशसहित प्राप्त भन्सार महसुल विधेयक, २०८१ लाई मूल रूपमै सुझावबिना पारित गरी प्रतिनिधिसभामा पठाइयोस् भन्ने प्रस्ताव सर्वसम्मतिले पारित भएको हो ।
प्रतिनिधिसभाबाट सन्देशसहित प्राप्त आर्थिक विधेयक, २०८१ लाई सुझावसहित पारित गरी प्रतिनिधिसभामा फिर्ता पठाएको हो । सरकारको तर्फबाट उपप्रधान एवं अर्थमन्त्री विष्णुप्रसाद पौडेलले सभासमक्ष पेस गरेका थिए । प्रस्तावमाथि छलफल भई अर्थमन्त्री पौडेलले जवाफ दिएसँगै राष्ट्रियसभा अध्यक्ष नारायणप्रसाद दाहालले सो प्रस्ताव सर्वसहमतिले पारित गरेको घोषणा गरे ।
राष्ट्रियसभाको अर्को बैठक साउन ४ गते सवा १ बजे बस्नेगरी स्थगित भएको छ ।