नयाँदिल्ली । भारतको पञ्जावमा विभिन्न ठगी धन्दामा संलग्न एक महिला पक्राउ परेकी छन् । नेपाल हुँदै दुबई भाग्न लागेको पत्ता लागेपछि नेपाल–भारत सीमाबाट उनलाई भारतीय प्रहरीले पक्राउ गरेको हो । 

पञ्चाब प्रहरीको वान्टेड सूचीमा रहेकी ती महिला पूर्वी चम्पारणको रक्सौलबाट नेपाल प्रवेश गर्ने क्रममा पक्राउ परेको प्रहरीले जनाएको छ ।  

रक्सौलका सबडिभिजनल पुलिस अफिसर (एसडीपीओ) धीरेन्द्र कुमारका अनुसार सालिका वाधवा नामकी ती महिला भारत–नेपालमैत्री पुलमा पक्राउ परेकी हुन् । 

उनलाई पक्राउ गरेर हरैया प्रहरीलाई हस्तान्तरण गरिएको थियो । उनलाई पञ्जाब प्रहरीले चाँडै हिरासतमा लिने जनाइएको छ । 
उनका गतिविधिबारे अलर्ट जारी भएपछि अध्यागमनले नियन्त्रणमा लिएको बताइएको छ । उनीविरुद्ध गत वर्षको डिसेम्बर ६ मा चण्डीगढमा मुद्दा दर्ता भएको थियो । उनीबारेमा थुप्रै ठगीका उजुरी पञ्जाबमा दर्ता भएको पाइएको प्रहरीको कथन छ । हिन्दुस्तान टाइम्स