फ्लोरिडा । अमेरिकी एयरलाइन्सको एउटा विमानको टायर उड्ने क्रममा विस्फोट भएको छ । घटना टम्पा अन्तर्राष्ट्रिय विमानस्थलमा भएको हो  ।

चालकले तत्कालै उडानलाई स्थगिथ गरेर विमान रोकेका थिए । घटनास्थलमा पछि इमर्जेन्सी भेइकलहरू पुगेका थिए ।

विमानस्थलका प्रवक्ता जोशुवा गिलिनले स्थानीय मिडियालाई जनाएअनुसार विमानमा भएका १७४ यात्रु र ६ जना चालक दलका सदस्यलाई सुरक्षितरूपमा विमानबाट अवतरण गरेर बसमार्फत टर्मिनलतर्फ लगिएको छ ।

घटनामा कसैलाई पनि चोट नलागेको जनाइएको छ । सबै यात्रुलाई अर्को विमानमा फोएनिक्सतर्फ लगिने जनाइएको छ ।

बीबीसीबाट  ।