वासिङटन । अमेरिकाका राष्ट्रपति जो बाइडेनले दुई अलग कार्यक्रममा आफ्नै उपराष्ट्रपति कमला ह्यारिसको नाम लिँदा ‘भाइस प्रेसिडेन्ट ट्रम्प’ र युक्रेनका राष्ट्रपति भ्लोदिमिर जेलेन्स्कीको नाम लिँदा ‘प्रेसिडेन्ट पुटिन’ भनेपछि राष्ट्रपति पदमा उनको उमेदवारीलाई लिएर आफ्नै पार्टी डेमोर्क्र्याटमा अप्ठेरो अवस्था सिर्जना हुने संकेत मिलेको छ ।

बाइडेनले नेटोको शिखर बैठकपछि बिहीबार आयोजित पत्रकार सम्मेलनमा एक प्रश्नको जवाफ दिने क्रममा कमला ह्यारिसलाई झुक्किएर ‘भाइस प्रेसिडेन्ट ट्रम्प’ भनेका हुन् । जबकि, डोनाल्ड ट्रम्प रिपब्लिकन पार्टीका तर्फबाट राष्ट्रपतिका उमेदवार छन् ।

युक्रेनसम्बन्धी एक अलग कार्यक्रममा बिहीबार नै उनले युक्रेनका राष्ट्रपतिलाई ‘प्रेसिडेन्ट पुटिन’ भनेका थिए । जबकि, प्रेसिडेन्ट पुटिन युक्रेनका राष्ट्रपति नभएर रुसका राष्ट्रपतिको नाम भ्लादिमिर पुटिन हो । जेलेन्स्कीलाई त्यसो भनेलगत्तै बाइडेनले सच्याउने प्रयास गरेका थिए । द हिलबाट ।