काठमाडौं । क्वार्टरफाइनलमा पानामाविरुद्ध ५–० को जित निकाल्दै कोलम्बिया कोपा अमेरिका–२०२४ को सेमिफाइनलमा प्रवेश गरेको छ ।

आइतबार बिहान अमेरिकास्थित फोनेक्स विश्वविद्यालयको रंगशालामा भएको खेलमा कोलम्बियालाई जित दिलाउन जोन कोर्डोबा, जेम्स रोड्रिगेज, लुइज डियाज, रिकार्डो रियोस र मिगेल बोर्जाले गोल गरे । 

खेलको आठौँ मिनेटमा कोर्डोबाको गोलमा कोलम्बियाले अग्रता बनाएको थियो । १५औँ मिनेटमा रोड्रिगेजले पेनाल्टीमा गोल गर्दै कोलम्बियाको अग्रता दोब्बर बनाए । ४१औँ मिनेटमा डियाजले गोल गरेपछि कोलम्बियाले पहिलो हाफमा ३–० को अग्रता बनाएको थियो । ७०औँ रियोसले कोलम्बियाका लागि चौथो गोल गरे ।

यस्तै, इन्जुरी समयमा प्राप्त पेनाल्टीलाई बोर्जाले सदुपयोग गरेपछि कोलम्बियाले सहज जितसहित प्रतियोगिताको सेमिफाइनल यात्रा सुनिश्चित गरेको हो । 

कोलम्बिया प्रतियोगिताको पछिल्लो चार संस्करणमध्ये तेस्रोपटक सेमिफाइनलमा प्रवेश गरेको हो । कोलम्बिया गत संस्करणमा तेस्रो भएको थियो । कोलम्बियाले हालसम्म एकपटक मात्र कोपा अमेरिकाको उपाधि जितेको छ । 

प्रतियोगिताको फाइनल प्रवेशका लागि अब कोलम्बियाले प्रतियोगिताकै सबैभन्दा सफल टिम उरुग्वेविरुद्ध प्रतिस्पर्धा गर्नेछ । यी दुई टिमबीचको खेल जुलाई ११ मा हुनेछ ।