स्टकहोम । विकिलिक्सका संस्थापक जुलियन असान्जलाई यौन दुर्व्यवहारको आरोप लगाउने अन्ना अर्डिनले असान्ज हालै जेलबाट छुटेकोमा खुसी व्यक्त गरेकी छन् ।  उनले १४ वर्षअघि असान्जले दुर्व्यवहार गरेको आरोप लगाएपछि स्वीडेनले सुरुमा उनको सुपुर्दगी मागेकोमा असान्ज लण्डनको दूतावासमा शरण लिएर बसेका थिए । 

उनी त्यसपछि अमेरिकी सूचना लिक गरेको अभियोगमा थुनामा परेपछि  स्वीडेन असान्ज विरुद्धको अनुसन्धान र उनको सुपुर्दगीको प्रसंगबाट सन २०१९मा पछि हटेको थियो ।

असान्जले भने अन्नाको आरोपको खण्डन गर्दै आएका थिए ।

“म उनी र उनको परिवारको लागि खुसी छु । उनीहरु अब सँगै रहन सक्छन् । उनलाई दिइएको सजाय निकै असमान थियो,” अन्नाले भनेकी छन् ।

उनले असान्जलाई एक अभियन्ताका रुपमा र महिलालाई राम्रो व्यवहार नगर्ने व्यक्ति दुवै हिसाबले व्याख्या गरेकी छन् । 

उनलाई हिरोका रुपमा वा राक्षसको रुपमा दुवै हिसाबले व्याख्या गर्न आफूलाई दुःख  हुने जनाउँदै असान्ज एक जना जटिल मानिस भएको बताएकी छन् ।

सन २०१०मा विकिलिक्सले अफगान वार लग्स सार्वजनिक गरेको तीन सातापछि आफूले उनलाई स्वीडेनको सोसल डेमोक्रेटिकको धार्मिक भगिनी संस्थाको आयोजनामा भएको एउटा सेमिनारमा स्टकहोम बोलाएको र सोही क्रममा यौन दुव्र्यवहार भएको जनाएकी छन् । 

असान्जले सो समयमा सुरक्षाका कारण होटलमा बस्न नमानेकोले उनलाई आफ्नो पm्ल्याटमा राखेको जनाएकी छन् । असान्जसँग आफ्नो यौन सम्पर्क त्यही बेलामा भएको जनाउँदै यौन सम्पर्कको क्रममा कण्डम फुटेको र त्यतिबेला पनि उसले निरन्तर यौन सम्पर्क गरेको त्यो स्वीडेनको कानुनमा अपराध भएको  जनाएकी छन् । बीबीसीबाट